Rossiya Ukrainaning havo mudofaa tizimini zararsizlantirish va qarshi hujum kuchlarini yo‘q qilish bo‘yicha o‘z oldiga qo‘ygan maqsadlarida kutilganidek muvaffaqiyatga erisha olmayapti.

“2023-yil may oyi boshidan beri Rossiya o‘zining harbiy maqsadlari sari faol harakat qilishdan ko‘ra, tashabbusni berib qo‘yib, faqat Ukrainaning harakatlariga javob qaytarish bilan mashg‘ul bo‘lmoqda”, — deyiladi  Buyuk Britaniya Mudofaa vazirligining bayonotida.

Oxirgi razvedka ma’lumotlariga ko‘ra, 2023-yilning may oyida Rossiya Ukraina hududlariga uchuvchisiz uchoqlar va qanotli raketalar yordamida 20 marta tunda bir tomonlama hujumlar uyushtirgan.

Urushni o‘rganish instituti hisob-kitoblariga ko‘ra, Rossiya va Ukrainaning Baxmut yo‘nalishidagi hujum operatsiyalari faolligi pastligicha qolmoqda.