Gollivudning mashhur juftligi Ben Afflek va Jennifer Lopes 60 million dollarlik, katta maydonga ega uyni sotib qoldi. Juftlikka uyni topish uchun deyarli ikki yil kerak bo‘ldi.
Mashhurlar o‘zlari istagandek uyni topishiga ko‘p vaqt kerak bo‘ldi, chunki ular nafaqat o‘zlarining afzalliklarini hisobga olishga harakat qildi, balki merosxo‘rlarining qulay sharoitda yashashini ham o‘yladi. Jennifer Lopes har doim o‘zining va Benning avvalgi turmushidan bo‘lgan bolalari ular bilan yashashini ta’kidlaydi. Juftlikning besh nafar farzandi Beverli-Xillzdagi 4300 kvadrat metr maydonga ega yangi uyga joylashadi. Uyda 12 ta yotoqxona va 24 ta hammom ham bor.
Hududda asosiy uydan tashqari xizmatchilar va qo‘riqchilar uchun uylar, mehmonlar uchun uy, 12 ta mashinaga mo‘ljallangan garaj mavjud. Uydan uncha uzoq bo‘lmagan joyda 80 ta o‘ringa ega qo‘shimcha avtoturargoh bor – u yerda katta ziyofatlar ham bo‘lib o‘tadi.
Uyning maydoni shunchalik kattaki, Ben va Jen u yerda nafaqat madaniy tadbirlarni, balki butun Olimpiya o‘yinlarini ham o‘tkazishi mumkin. Buning uchun katta yopiq sport majmuasi loyihalashtirilgan bo‘lib, u yerda basketbol maydoni, piklbol maydoni, boks ringi, sport zali, launch maydoni va bar mavjud.
Ushbu uy 2018-yilda sotuvga qo‘yilgan va 135 million dollarga baholangan. Pandemiyadan keyin xarajatlar deyarli ikki baravarga qisqarib, uyning narxi 75 million dollarga tushirildi. Mashhur juftlik uyni sotib olish uchun undan ham kamroq, ya’ni 60,9 million dollar to‘ladi.
Izoh (0)