Futbol bo‘yicha yoshlar o‘rtasidagi Jahon chempionatining nimchorak finalidan o‘rin olgan to‘rtta o‘yin O‘zbekiston vaqti bilan 31-maydan 1-iyunga o‘tar kechasi bo‘lib o‘tdi.

Braziliya yoshlari Tunisni yirik hisobda mag‘lub etdi. Birinchi bo‘limda janubiy amerikaliklar ikkita to‘p farqi bilan oldinga o‘tib oldi. Tanaffus arafasida Braziliya bir o‘yinchi kam bo‘lib qoldi, shunga qaramay o‘yin so‘ngida yana ikkita gol urishga erishdi va yirik hisobda g‘alaba qozondi.

Braziliya chorak finalda O‘zbekistonni mag‘lub etgan Isroil bilan o‘ynaydi.

Kolumbiya U-20 terma jamoasi Slovakiyani 5:1 hisobida taslim etdi. Italiya esa Angliyaga qarshi o‘yinning so‘nggi daqiqalaridagi gol evaziga g‘alabani ilib ketdi. Kolumbiya va Italiya chorak finalda o‘zaro to‘qnash keladi.

Musobaqa mezboni Argentina Nigeriya yoshlariga 0:2 hisobida imkoniyatni boy berdi. Nigeriyaliklar keyingi bosqichda Ekvador — Janubiy Koreya o‘yini g‘olibi bilan kuch sinashadi.

U-20 JCH—2023

1/8 final bahslari

31-may/1-iyun

Braziliya – Tunis 4:1

Gollar: 1:0 – 11, penalti Leonardo, 2:0 – 31 Santos, 3:0 – 90+1 Martins, 4:0 – 90+10 Santos, 4:1 – 90+13 Otman.

Kolumbiya – Slovakiya 5:1

Gollar: 1:0 – 48 Kortes, 2:0 – 50 Asprilya, 3:0 – 52 Anxel, 4:0 – 63 Anxel, 4:1 – 87 Yambor, 5:1 – 90+4 Kortes.

Angliya – Italiya 1:2

Gollar: 0:1 – 8 Baldanzi, 1:1 – 24 Devin, 1:2 – 87, penalti Kasadei.

Argentina – Nigeriya 0:2

Gollar: 0:1 – 61 Muhammad, 0:2 – 90+1 Sarki.