408 ming dollarlik ko‘zoynak: Mashhurlarning bitta uy narxiga teng bo‘lgan qimmatbaho aksessuarlari (foto) 

Yulduzlar tomonidan katta summalarga sotib olingan kichik aksessuarlar bilan tanishing.

Fyodor Bondarchuk — kolye (50 ming dollar)

Fyodor bu hashamatli sovg‘ani sevgilisi, aktrisa Paulina Andreyevaga Yevropadagi ta’til paytida hadya qildi. Italiyadagi do‘kondan sotib olingan eksklyuziv marjon oq oltindan yasalgan va olmos bilan bezatilgan.

Kseniya Sobchak — sumka (50 ming yevro)

Hermes Birkin sumkasini sotib olganda teleboshlovchi farzandiga homilador bo‘lgan. Model timsoh terisidan qilingan va tilla zanjir bilan bezatilgan.

Gvinet Peltrou — quyoshdan saqlaydigan ko‘zoynak (408 ming dollar)

Aktrisa Gvinet Peltrou bandlari oltindan yasalgan va 51 ta olmos bilan bezatilgan De Rigo Vision va Chopard brendiga tegishli quyoshdan saqlaydigan ko‘zoynakni 408 ming dollarga xarid qilgan.

Beyonse — Barbi (85 ming dollar)

Albatta, yulduzlar eng avvalo sevimli farzandini xursand qilishni xohlashadi. Misol uchun, Beyonse 160 ta qimmatbaho tosh va oq oltin taqinchoqlar bilan bezatilgan qo‘g‘irchoqqa buyurtma berib, qizini xursand qilgan.

Robert Pattinson — tilla ruchka (46 ming dollar)

Bunday sovg‘ani “Sumerki” filmi aktyori filmdagi hamkasbi Kristen Styuartning tug‘ilgan kunida sovg‘a qilgan, o‘shanda ular sevishganlar edi. Ruchka oq oltindan qilingan va dunyo bo‘yicha atigi 40 ta nusxasi bor. Boshqa hech kimda bunday narsa yo‘qligini ta’kidlash uchun Pattinson tutqichga “From R” (ya’ni Robertdan) yozuvini o‘yib yozdiradi.

Afsuski, juftlik hozirda ajralishgan — Kristen ushbu qimmatbaho sovg‘a bilan avtograf yozishda davom etadimi yoki yo‘qmi noma'lum.

Ledi Gaga — arvohlar detektori (50 ming dollar)

Eng g‘alati aksessuarni Ledi Gaga sotib olgan. Xonanda arvohlarga chinakamiga ishonadi va unga Rayan ismli sharpa ta’qib qilayotgandek tuyuladi. Arvohni o‘z vaqtida bilish uchun Ledi Gaga o‘zi bilan magnit maydon detektorini olib yuradi.