Boks bo‘yicha Jahon chempionatining 7-may kungi dasturidan o‘rin olgan bir nechta jang yakunlandi.
-57 kg vazn toifasida O‘zbekiston sharafini himoya qilayotgan Abdumalik Halokov navbatdagi jangini Avstraliya vakili Charli Seniorga qarshi o‘tkazdi. Uch raund natijalariga ko‘ra, Halokov 5:0 hisobida g‘alaba qozondi va chorak finalga chiqdi.
A’loxon Abdullayev -75 kg esa xitoylik Mengyang Jaoga qarshi ringga ko‘tarildi va g‘alaba evaziga keyingi bosqichga yo‘l oldi.
7-may kuni yana ikki nafar o‘zbekistonlik bokschi o‘z jangini o‘tkazadi:
-
-51 kg: Hasanboy Do‘stmatov — Said Mortaji (Marokash), (A ring, 18:40 dan so‘ng)
-
+92 kg: Bahodir Jalolov — Teremoana Teremoana (Avstraliya), (B ring, 19:55 dan so‘ng).
