O‘zbekistonda hafta davomida biroz salqin havo bo‘lishi kutilmoqda

“O‘zgidromet” prognozlariga ko‘ra, haftaning ish kunlari respublika bo‘ylab biroz salqinroq havo kutiladi.

1-may kuni O‘zbekiston bo‘yicha quruq ob-havo bo‘ladi, faqat kun davomida Farg‘ona vodiysining ayrim tumalarida yomg‘ir yog‘ishi momaqaldiroq bo‘lishi mumkin. Shimol va cho‘l hududlarining ayrim joylarida shamol tezligi 15-18 metr/sekundgacha kuchayadi. Kunduzi havo harorati 28-33 darajani tashkil etadi.

Ish haftasi davomida Qozog‘iston hududlaridan O‘zbekistonga nisbatan kuchsiz salqin havo oqimi kirib kelishi kutilmoqda, buning hisobiga harorat biroz pasayadi. Respublika bo‘yicha yog‘ingarchiliksiz ob-havo saqlanib turadi, faqat 4-may kuni respublikaning shimoliy hududlari bo‘yicha qisqa muddatli yomg‘ir yog‘ishi, momaqaldiroq bo‘lishi mumkin.

Seshanba va chorshanba kunlari shimolda va cho‘l hududlarida, payshanba va juma kunlari esa respublika bo‘yicha shamol tezligi 15-18 metr/sekundgacha kuchayadi, shimolda va cho‘l hududlarida 4 va 5-may kunlari 20-23 metr/sekundgacha kuchayishi mumkin.

Hafta davomida harorat barqaror bo‘lishi kutilmoqda. Kunduzi harorat 25-30 daraja atrofida bo‘ladi.