Rossiya prezidenti Vladimir Putinning Ukrainaga bostirib kirishga tayyorgarligi haqida uning atrofidagi uch-to‘rt kishigina bilgan. Rossiya rahbari bilan birgalikda ular katta urush boshlashga qaror qildi. Bu haqda Ukraina razvedkasi rasmiysiga tayanib, Gazeta.ua xabar berdi.
Ukraina Mudofaa vazirligi Razvedka bosh boshqarmasi vakili Andrey Yusov bu haqda gapirdi. U Putinni urushga chorlagan odamlardan biri Rossiya Xavfsizlik kengashi kotibi Nikolay Patrushev ekanini ta’kidladi. Yusov Patrushevning Rossiya “ikki marta AQSHni qulashdan saqlab qolgani” haqidagi so‘nggi bayonotlarini esladi. Rossiya Xavfsizlik kengashi kotibi Rossiyada “har qanday dushmanni yo‘q qilishga qodir noyob qurol” mavjudligi haqida gapirgandi.
“Sezilarli darajada keng ko‘lamli urush boshlash qarori ularning boshqaruv modeli natijasidir. Zamonaviy Rossiya — bu yopiq jamiyat, jumladan diktatura vertikalida: hech qanday munozara yoki fikrlar plyuralizmi mavjud emas. Qarorni unchalik o‘qimishli va malakali bo‘lmagan bir kishi qabul qiladi, shuning uchun oqibatlari Rossiya uchun halokatli”, — dedi Yusov.
Izoh (0)