Endilikda Twitter’da Blue obunasi barcha mamlakatlar uchun ochildi. Bu haqda ijtimoiy tarmoq egasi Ilon Mask xabar berdi.
Twitter Verified endi butun dunyo bo‘ylab mavjud!, — deb yozdi Mask ijtimoiy tarmoqdagi sahifasida.
Twitter Blue joriy etilgan vaqtda unga faqat 5 davlatdan — AQSH, Kanada, Buyuk Britaniya, Avstraliya va Yangi Zelandiyan obuna bo‘lishi mumkin edi.
Hozirda obunachilarga bir tvitda 280 ta o‘rniga 4 000 tagacha belgidan foydalanish, ularni 30 daqiqa ichida tahrirlash, yuqori o‘lchamli videolarni yuklash, tvitlar zanjirini bir matn sifatida ko‘rish kabi imtiyozlar berilmoqda.
Ma’lumotlarga ko‘ra, yaqin kelajakda Blue obunasida reklamalar soni kamayadi. Bundan tashqari, xabarlarga javob izlash va ko‘rishda ularning tvitlariga ustunlik beriladi.
Yanvar oyidan beri Twitter Blue internetda oyiga 8 dollar, iOS va Android ilovalarida esa 11 dollar turadi. Bundan tashqari, agar obuna bir yil uchun sayt orqali oldindan sotib olinsa, oyiga 7 dollar turadi.
Twitter Blue 2022-yil noyabr oyida ishga tushirilgan. Mashhur shaxslar va kompaniyalar akkauntlarining haqiqiyligini tasdiqlovchi verifikatsiya belgisi uchun to‘lov joriy etilishi kompaniyani sotib olgan Ilon Maskning Twitter'dagi dastlabki qadamlaridan biri bo‘lgan.
Avvalroq Twitter’da reklamasiz yanada qimmatroq obunalar paydo bo‘lishi kutilayotgani haqida xabar berilgandi.
Izoh (0)