Farzand kutayotgan o‘zbek shou-biznesi vakillari

O‘zbek shou-biznes olamining bir nechta vakillari tez orada ona bo‘lishadi. Ular homilador bo‘lsa-da, xalq xizmatini cheklayotgani va ijodiy tanaffus qilayotgani yo‘q.

Hulkar Abdullayeva

Hamisha OAV e’tiboridan chetda yurishga harakat qiladigan xonanda Hulkar Abdullayeva 40 yoshida ona bo‘lishni reja qilgan ko‘rinadi. U garchi boshqa ijodkorlar singari homilador ekanligini ma’lum qilmagan bo‘lsa-da, muxlislar allaqachon bu yangilikdan xabar topishdi.
Eslatib o‘tamiz, xonandaning ikki qiz farzandi bor.  

Shahlo Zoirova

Keyingi paytlarda sahnadan biroz chekingan, ammo xalq xizmatlarida faollikni o‘z qo‘liga olgan Shahlo Zoirova ham yaqin kunlarda ona bo‘ladi. Uning bir qiz va ikki o‘g‘il farzandi bor.
— Baxtli ayol qayta va qayta ona bo‘lgisi kelaveradi. O‘g‘illarim bir-biriga yelkadosh. Nasib qilsa, qizimga ham sherik olib kelish niyatidaman, — deydi aktrisa.

Kamola Ortiqova

“Ummon” guruhi xonandasi Zohid Risqiyevning turmush o‘rtog‘i Kamola Ortiqova ham yaqin kunlarda ona bo‘ladi. Afsuski, uning homiladorlik payti sokin va betashvish o‘tgani yo‘q. Turmush o‘rtog‘ining avtofalokatga uchragani va uning ortidan kelgan muammolar sabab, Kamola Ortiqova ko‘plab qiyinchiliklarni boshdan o‘tkazdi. 
— Nasib qilsa, ilk farzandimizni dadasining o‘zi bilan tug‘uruqxonadan olib chiqamiz, — deya Instagram sahifasida yozib qoldirgan Kamola Ortiqova.

Madina Mumtoz

San’atni tark etib, fudblogerlik faoliyatini boshlagan Madina Mumtoz ham tez kunlarda to‘rtinchi bor ona bo‘ladi. Bu yil 32 yoshni qarshilaydigan sobiq aktrisaning uch o‘g‘il farzandi bor.