Andijonda harakatdagi Matiz yonib ketdi (video)

Andijon viloyati Paxtaobod tumanida harakatlanib ketayotgan Matiz avtomobilida yong‘in chiqdi, deb xabar beradi viloyat FVB axborot xizmati.

Ma’lum qilinishicha, 6-mart kuni soat 20:28 da 49 yoshli X.R. o‘zining Matiz avtomobilida ketayotgan bo‘lgan. Transport vositasi tumanning “Yuqori” MFY Kelajak ko‘chasidan o‘tayotganida motor va salon qismida yong‘in chiqqan. 

FVB qutqaruvchilari yong‘in yuz bergan joyga soat 20:35 da yetib borib, uni 20:38 da o‘chirgan.

Yong‘inni taxminiy sababi — elektr simini qisqa tutashuvi. Hozirda yong‘in zarari aniqlanmoqda.