Lionel Messining akasi: Leoga qadar “Barselona”ni hech kim tanimas edi 

“PSJ” hujumchisi Lionel Messining akasi futbolchi “Barselona”ni mashhur qildi deb hisoblaydi.

“Messiga qadar “Barselona”ni hech kim tanimas edi. Leoga to‘laganlari esa juda kam edi.

Barselonaga borib, klub muzeyini tomosha qilgan odam biladiki, bu Messining muzeyi”, — deydi Matias Messi. 

Lionel Messi “Barselona” tarbiyalanuvchisi hisoblanadi. U 2000-yildan 2021-yilga qadar klub tizimida harakat qilgan, 2003-yildan esa asosiy jamoada o‘ynagan. U katalon klubi bilan Ispaniya chempionati (10), Ispaniya Kubogi va Superkubogi (7 tadan), Chempionlar Ligasi (4), Yevropa Superkubogi va klublar o‘rtasidagi Jahon Chempionati (3 martadan) bosh sovrinlarini qo‘lga kiritgan.

Messi “PSJ”ga qadar “Barselona”dan boshqa jamoada o‘ynamagan. U “ko‘k-anorranglilar” safida umumiy hisobda 778 ta o‘yin o‘tkazib, 672 ta gol va 305 ta golli uzatmani amalga oshirgan. Uning jamoa bilan qo‘lga kiritgan sovrinlari soni esa 35 tani tashkil qiladi.