O‘zbekistonda talabalarga yotoqxona topishda yordam beruvchi davlat xizmati ishga tushiriladi. Bu jamoatchilik muhokamasiga qo‘yilgan 2023-yilgi davlat dasturi loyihasida ko‘zda tutilgan.
Qayd etilishicha, 2023-yilda elektron davlat xizmatlarining ulushini 55 foizga yetkazish, shu jumladan, proaktiv xizmatlarni ko‘rsatilishini yo‘lga qo‘yish maqsad qilingan. Shu sabab talabalarga yotoqxonaga onlayn joylashish imkoniyatlarini beruvchi Davlat xizmatlari markazi va Yagona interaktiv davlat xizmatlari portali orqali ko‘rsatiladigan bepul elektron xizmati joriy etiladi.
Bunda:
- yotoqxonalar hisobini yuritish reyestri ishlab chiqiladi;
- ijtimoiy himoyaga muhtoj talabalar ustuvor ravishda joylashtiriladi;
- Yagona interaktiv davlat xizmatlari portali orqali elektron ariza beriladi;
- to‘lovlarni amalga oshirish imkoniyati yaratiladi.
Oliy ta’lim, fan va innovatsiyalar vaziri Ibrohim Abdurahmonov, raqamli texnologiyalar vaziri Sherzod Shermatov, adliya vazirligi Abduqodir Toshqulov topshiriq ijrosi uchun mas’ul etib tayinlanadi, muddat — 2023-yil may oyi.
Izoh (0)