Toshkent shahri Uchtepa tumanida 4-fevral kuni yuk mashinada yong‘in chiqdi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 07:32 da Uchtepa tumani “Katta Cho‘ponota” MFY TXAY ko‘chasi Bo‘rijar kanali ustidagi ko‘prikdan harakatlanib ketayotgan “Gazel” avtomobilida yong‘in yuzaga kelgani to‘g‘risida shahar FVBga xabar tushgan.
Shunga ko‘ra 2 ta yong‘in-qutqaruv ekipaji soat 07:37 da yetib borib, yong‘in soat 07:43 da bartaraf etilgan.
Yong‘inda avtomobilning mator va salon qismi yonib zararlangan.
Hodisa oqibatida tan jarohati olgan va halok bo‘lganlar yo‘q.
Hozirda yong‘in sababi va moddiy zarar miqdori aniqlanmoqda.
Izoh (0)