Telegram jamoasi ilovaning 2023-yildagi birinchi yangilanishni taqdim qildi.
Profil rasmini yaratish vositasi
Endi foydalanuvchilar istalgan stiker yoki animatsiyali emojini hisoblar, guruhlar yoki kanallar uchun profil rasmiga tezda aylantirishi mumkin. Istalgan foydalanuvchi hatto Telegram Premium’ga ega boʻlmasa ham ushbu rasmlar uchun animatsiyali va maxsus emojilardan foydalana oladi.
Shuningdek, Telegram’da kontaktlarni tahrirlayotganda ular uchun profil rasmlarini belgilash yoki taklif qilish mumkin.
Butun chatlarni tarjima qilish
Premium foydalanuvchilar endi yuqoridagi Tarjima paneli yordamida butun chatlar, guruhlar va kanallarni tarjima qilishi mumkin. Parametrlar menyusi ularga panelni berkitish va qaysi tillar tarjima qilinishini boshqarish imkonini beradi.
Barcha foydalanuvchilar alohida xabarlarni tanlash va “Tarjima qilish” tugmasini bosish orqali tarjima qilishi mumkin.
Tarmoqdan foydalanish
Endi Wi-Fi va mobil internet uchun batafsil doiraviy diagrammalar bilan Telegram qancha trafik ishlatganini koʻrish va trafik rejaga mos kelishi uchun avtomatik yuklab olish sozlamalarini oʻzgartirish mumkin.
Kiruvchi mediani avtomatik saqlash
Sozlamalarda qurilma galereyasiga avtomatik ravishda saqlanadigan chat turlarini tanlash, shuningdek, saqlanadigan media fayllar hajmi va turini belgilash mumkin. Bundan tashqari, faqat kerakli rasm va videolar saqlanishi uchun alohida chatlar uchun istisno qoʻshsa ham bo‘ladi.
Media yuborish ruxsatlari
Adminlar guruh aʼzolari rasmlar, videolar, ovozli yoki video xabarlar kabi 9 ta turli media turini yuborishga ruxsat berish yoki bermaslikni tanlashi mumkin. Faqat media yuboriladigan guruhlarni yaratish uchun matnli xabarlarni faolsizlantirish imkoni ham paydo boʻldi.
Endi faqat ovozli xabarlar yoki testlarni yuborishga ruxsat berilgan guruh yaratish mumkin.
Yillik Premium obunasi
Telegram Premium’ning bir yillik obunasiga toʻlov qilish va 40 foiz chegirma bilan eksklyuziv funksiyalardan foydalanish mumkin.
Botlar uchun chatlarni tanlash
Bot dasturchilari foydalanuvchilarga oldindan belgilangan mezonlarga mos keladigan guruh, kanal yoki odamlarni tanlashga yordam beradigan maxsus tugmalarni qoʻshishi mumkin.
Masalan, undan botni foydalanuvchi admin boʻlgan va mavzular yoqilgan guruhga tezda qoʻshish uchun foydalansa bo‘ladi.
Bot dasturchilari qoʻllanmada va @BotNews kanalida batafsil axborot olishi mumkin.
Apple va Google ID bilan qayta hisobga kirish
Hisobidan chiqqan foydalanuvchilar Apple yoki Google ID yordamida SMS kodni kiritmasdan tezda qayta kirishi mumkin. Agar 2 bosqichli tekshiruv parolini sozlagan boʻlsangiz, uni kiritishingiz kerak boʻladi.
Yangi maxsus emojilar
Hech bir yangilanish Telegram rassomlaridan maxsus emojilarning 10 ta yangi toʻplamisiz bo‘lmaydi. Bu safar guruh va profil rasmlari uchun maxsus ishlangan bir necha yuzlab belgilar kiritilgan.
Emojilar panelining yuqori qismidagi yangi trenddagilar bo‘limi orqali ushbu to‘plamlardan biri bilan tanishish va qo‘shish mumkin.
Izoh (0)