Qashqadaryo viloyati Kasbi tumanida 23-yanvar kuni bir oilaning toʻrt nafar aʼzosi is gazidan vafot etdi. Bu haqda Bosh prokuratura axborot xizmati “Daryo”ga xabar berdi.

Maʼlum qilinishicha, “Qamashi” mahallasidagi xonadonda qoʻlbola usulda yasalgan isitish pechidan tabiiy gaz yonishi oqibatida is gazi hosil boʻlib, dudburon orqali xona ichiga sizib chiqqan.

Buning oqibatida xonada uxlab yotgan D.L., uning turmush oʻrtogʻi D.Q. hamda 2 va 4 yoshli farzandlari iz gazidan zaharlanib, vafot etgan.

Oilaning oʻlim sababini aniqlash maqsadida sudga oid tibbiy ekspertiza tayinlangan. Hodisa yuzasidan Kasbi tumani prokuraturasi tomonidan tergovga qadar tekshiruv harakatlari olib borilmoqda.

Mavzuga doir:

• Toshkent viloyatida er-xotin is gazidan vafot etdi
• Samarqandda kelin-kuyov is gazidan zaharlanib vafot etdi