Ijtimoiy tarmoqlarda Buxoro davlat tibbiyot instituti salkam 1,3 milliard so‘mga interaktiv stol xarid qilgani haqida xabarlar tarqaldi. Institut ma’muriyati buni rad etdi.
Ma’lum qilinishicha, davlat xaridlarini amalga oshirish uchun 2022-yilda birja savdolari orqali xarid qilinishi rejalashtirilgan qurilma birgina stoldan iborat emas, balki tibbiy ta’lim jarayonlarida zarur bo‘lgan butun kompleksni tashkil qiladi. Mazkur kompleksda virtual shifoxona, tashxis qo‘yish jarayonlarini talabalar virtual usulda bajarilishi uchun mo‘ljallangan.
Ushbu havoladagi videoda mazkur kompleks haqida batafsil ma’lumot berilgan.
Institut tomonidan buyurtma qilingan mazkur kompleks qurilmasi ta’minotchi tomonidan o‘z vaqtida yetkazib berilmagani sababli 2022-yil 16-dekabr kuni bekor qilingan. Ya’ni mazkur davlat xaridi jarayoni amalga oshirilmagan.
“Ijtimoiy tarmoq faollari hamda professional OAVlardan holatni batafsil o‘rganish uchun institut ma’muriyatiga murojaat qilishlari mumkinligini ma’lum qilamiz”, — deyiladi institut ma’muriyati raddiyasida.
Izoh (0)