Andijonning Oltinko‘l tumani “Mexnat” MFYda joylashgan qayta ishlab chiqarish sexida yong‘in yuz berdi.
Viloyat FVB matbuot xizmatining ma’lum qilishicha, sexning 200 kvadrat metr maydonda shift, tom qismi va ikkilamchi qayta ishlash chiqindi xomashyolari yongan.
Voqea joyiga 10 ta yong‘in-qutqaruv ekipaji soat 01:12 da yetib borib, yong‘in soat 01:18 da o‘rab olingan va soat 02:30 da o‘chirilgan. Yong‘indan binoning 500 kvadrat metr maydoni saqlab qolingan.
Hodisa oqibatida fuqarolarning kuyish va tan jarohati olish holatlari qayd etilmagan. Ayni paytda yong‘in sababi va zarari aniqlanmoqda.
Izoh (0)