Gonsalu Ramush mundialda 32 yillik natijani takrorladi

Portugaliya terma jamoasi hujumchisi Gonsalu Ramush JCH—2022 nimchorak finali doirasida Shveysariyaga qarshi kechgan o‘yinda (6:1) uchta gol va bitta assist muallifiga aylandi.

Ramush Qatar mundialidagi ilk het-trikni qayd etdi. 21 yoshli futbolchi JCH pley-offida het-trikka erishgan Tomash Skuhravidan keyingi dastlabki futbolchi bo‘ldi. Chexoslovakiya vakili 1990-yilgi mundial pley-offida Kosta-Rika darvozasiga uchta to‘p kiritgandi.

Ramush Portugaliya safida JCHlardagi gollari soni bo‘yicha top-4 likka kirdi. Faqat Eysebio (9), Krishtianu Ronaldu (8) va Pauleta (4) undan oldinda.

“Benfika” forvardiga mundial pley-offida het-trikka erishish uchun 67 daqiqa kifoya qildi. Ushbu bosqichlarda 531 daqiqa harakat qilgan Ronalduda esa birorta gol yo‘q.