Ba’zan sovuq mavsumda imijingizni yangilashni xohlaysiz. Ammo buning uchun butun garderobni o‘zgartirishingiz shart emas, shunchaki bir nechta yangi detallar yoki aksessuarlar qo‘shing. Biroq kichik xatolar tufayli obraz o‘z yorqinligini yo‘qotishi mumkin. Bunga yo‘l qo‘ymaslik uchun ba’zida nima noto‘g‘ri ekanini oldindan bilish foydali bo‘ladi.
Shapkani bostirib kiyish
To‘qilgan shapka qishda juda asqatadi, sovuq shamol ko‘tarilishi bilan uni qulog‘imizgacha tortib kiyib olamiz. Biroq obrazning zamonaviy elementi qilish uchun shapkani biroz tortib, quloqlarni ochiq qoldirish mumkin. Bosh kiyim kiyishning bu usuli nafaqat zamonaviy, balki soch turmagini ham yaxshi saqlaydi.
Rangli poyabzallarni tanlash
Oyoq kiyimining dizayni qanchalik yorqin va xilma-xil bo‘lsa, uni kiyim bilan moslashtirish shunchalik qiyin bo‘ladi. Shuning uchun garderobingizdagi liboslar bilan yaxshi uyg‘unlashadigan yoqimli neytral ranglarni sotib olgan ma’qul.
Material tarkibiga e’tibor bermaslik
Bozorda sintetik materiallardan, masalan, akrildan tayyorlangan shapkalarni topishingiz mumkin. Agar maqsad boshni issiq tutish bo‘lsa, bu yaxshi tanlov emas. Garchi jun mahsulotlari yaxshi isitsa ham, juda noqulay. Bunday holda qo‘y yungi (merinos)dan tayyorlangan shapka eng ma’qulidir.
Merinos yungi boshqa jun turlariga qaraganda ancha yumshoq va havo o‘tkazadi. Natijada harorat yaxshi tartibga solinadi va hidlanishning oldini oladi.
Yorqin sumkalardan foydalanmaslik
Odatda sovuq mavsumda sumkalar bulutli ob-havo uchun tanlanadi. Ammo bu safar stilistlar yanada yorqin ranglarni qo‘shishni, o‘zingizni, masalan, pushti aksessuar bilan xursand qilishni taklif qilishadi.
Sovuq mavsumda quyoshdan saqlaydigan ko‘zoynak taqmaslik
To‘q rangli ko‘zoynaklar qishda ham obrazni mukammal ravishda to‘ldiradi. Lekin ular nafaqat moda elementi sifatida ishlatilishi kerak. Quyoshdan asrovchi ko‘zoynaklar haqiqatan ham ko‘zlarni va ko‘z qovoqlarining nozik terisini ultrabinafsha nurlar ta’siridan himoya qiladi, hatto bulutli havoda ham.
Uzun etik o‘rniga kalta botinka kiyish
Botinka — universal va qulay poyabzaldir. Funksionalligi tufayli ko‘pchilik uni afzal ko‘radi. Biroq uzun etiklar haqida unutmang. Stilistlarning ta’kidlashicha, bu mavsumda tizzagacha bo‘lgan etiklar va balandroq botinkalar yana modaga qaytdi.
Qalin kolgotkalardan uyalish
Nihoyat butun dunyodagi buvilar va stilistlarning fikrlari bir joydan chiqdi: bu yilgi tendensiyalar orasida issiq kolgotkalar ham bor. Qulay aksessuarni tanlayotganda qalinligi va rangiga e’tibor berishni unutmang.
Oddiy qo‘lqoplar bilan cheklanish
Charm qo‘lqoplar — doimiy klassika. Ko‘proq ekstravagant narsani xohlaydiganlar uchun moda dizaynerlari ushbu aksessuarning uzun modellarini taklif qilishadi. Ushbu uslubdagi qo‘lqoplar hashamatli ko‘rinadi va garderobingizning asosiy qismiga aylanadi. Ularning ranglari har xil bo‘lishi mumkin: yorqin ko‘kdan och pushti ranggacha.
Sharf uzunligini berkitish
Qish — har xil rang va o‘lchamdagi sharflar ko‘chalarni to‘ldiradigan fasl. Aftidan, sharf mavsumning eng mashhur aksessuari, chunki u nafaqat sovuqdan himoya qiladi, balki kayfiyatni ham ko‘taradi. Shuning uchun liboslarga uyg‘un bir nechta sharf xarid qilish lozim. Juda uzun sharflar ayniqsa dolzarb: ular kaltalarga qaraganda ajoyib ko‘rinadi va ko‘plab zamonaviy kolleksiyalarda moda dizaynerlari tomonidan qo‘llanadi.
Mavzuga doir: