JCH—2022. Ispaniya terma jamoasi turning markaziy o‘yinida Germaniyani yenga olmadi
Futbol bo‘yicha JCH—2022 2-turida Ispaniya va Germaniya terma jamoalari 27-noyabr, yakshanba kuni o‘zaro to‘qnash keldi.
Uchrashuvning birinchi bo‘limida teng kurash kechdi, biroq darvozalar daxlsiz qoldi. 62-daqiqada Alvaro Morata qanotdan uzatilgan to‘pni raqib darvozasiga joylab qo‘ydi.
Shundan keyin nemislar hujumga zo‘r berdi. Qator urinishlar 83-daqiqada o‘z samarasini berdi: Niklas Fyullkrug muvozanatni tikladi. Qolgan vaqtda hisob o‘zgarmadi.
Ushbu natijadan keyin Ispaniya 4 ochko bilan guruh peshqadami bo‘lib turibdi. Yaponiya va Kosta-Rika hisobida 3 ochkodan bor. Germaniya esa 1 ochko bilan hozircha so‘nggi o‘rinda bormoqda.
So‘nggi turda Germaniya terma jamoasi Kosta-Rika bilan o‘ynasa, Ispaniya Yaponiyaga qarshi to‘p suradi.
JCH—2022
2-tur bahsi
27-noyabr, yakshanba
Ispaniya — Germaniya 1:1
Gollar: 1:0 – 62 Morata, 1:1 – 83 Fyullkrug.Ispaniya: Unai Simon, Karvaxal, Lyaport, Rodri, Alba (Balde, 82), Buskets, Pedri, Gavi (Uilyams, 66), Olmo, Asensio (Koke, 66), Ferran Torres (Morata, 54).
Germaniya: Noyer, Kerer (Klostermann, 70), Ryudiger, Zyule, Raum (Shlotterbek, 87), Gundo‘g‘an (Sane, 70), Goretska, Kimmix, Myuller (Fyullkrug, 70), Gnabri (Hofmann, 85), Musiala.
Ogohlantirishlar: Kerer (37), Buskets (44), Goretska (58), Kimmix (60).
