Sena daryosi bo‘ylab sayr: turli-tuman qiyofalar va mashhur tarixiy obidalar — suratlarda
Sena bo‘ylab paromda yoki daryo tramvaylarida sayr qilish salkam bir yarim soat ichida Parijning butun markazini ko‘rib chiqish uchun ajoyib imkoniyat. Sababi Sena nafaqat daryo, balki shaharning asosiy ko‘chasi ham. Uning ikki yonida Eyfel minorasi va Luvr muzeyi, Notr-Dam va Konsyerjer, Imkoniyati cheklangan shaxslar saroyi va Orse muzeyi qurilgan. Bundan tashqari bir-biridan chiroyli ko‘priklarni guvoh bo‘lish mumkin.
Diqqatga sazovor joylar aro sayohatlar ichida daryo avtobuslari Parij uchun eng yaxshi tanlov. Suvdagi sayohat uchun bir nechta turdagi transport mavjud. Ularning har biri o‘ziga xos, shuning uchun buyurtma berishdan avval barcha takliflarni ko‘rib chiqish zarar qilmaydi.
Bekatlarda to‘xtaydigan daryo tramvayi
Qulay va ommabop transportlardan biri Bateau Bus (Bato bus) sanaladi. Uning eng katta qulayligi - daryo tramvayini shahar markazidagi istalgan 8 bekatlar: Notr-Dam, Luvr, Orse, Eyfel minorasi, Parij meriyasi, Yelisey maysazorlari, Sen-Jermen-de-Pre kvartali va botanika bog‘idan birida tushib qolish mumkin. Bunda uni tark etib yana qaytish imkoniyati bor. Chipta 24 yoki 48 soatga beriladi. Hop-on-hop-off ekskursiya avtobusi ham xuddi shunday tizimda ishlaydi, shunchaki u Parijning avtomobil yo‘llarida yuradi xolos.
Daryo tramvaylari mart oyidan sentabrgacha har 20 daqiqada qatnaydi (qolgan oylarda har 25 daqiqada). Chiptasi bor sayyoh sayrni davom ettirish uchun ularning istalganiga chiqishi mumkin. Mazkur transport salkam 2 kundan ortiq muddat jamoat transportidan foydalanmasdan shahar kezish imkonini beradi. Kattalarga 1 kunlik chipta 17 yevro, 2 kunlik - 19 yevro, bolalarga esa muvofiq ravishda 8 va 10 yevrodan baholanadi. 3 yoshgacha bo‘lgan bolalarga chipta kerak emas. Qatnov soat 10:00dan 21:30gacha (qishda 19:00).
Kemachalardagi ekskursiya
Agar siz Sena daryosiga ko‘proq ma’lumotli va qiziqarli sayohat qilishni istasangiz, tashqi paluba va terassali qulay motorli kemada klassik audio qo‘llanma sayohatidan foydalanishingiz mumkin. Qatnov 1 soat-u 10 daqiqa davom etadi. Bu vaqt ichida yo‘lovchilar diqqatga sazovor joylar, me’moriy yodgorliklarning ko‘p qismini ko‘rishadi. Chiqish paytida har bir yo‘lovchi audio qo‘llanma oladi, uni jarayon davomida tinglash mumkin.
Narxlar 3 yevrodan (bolalarga) 19 yevrogacha (kattalarga). Kemachalar har yarim soatda (oktabrdan martgacha har soatda) Port de La Conférence bandargohidan chiqib ketadi. Ish vaqti:10:00 dan 22:30 gacha. Yozda tushlik paytida tanaffus qilinadi. Dam olish kunlari – rojdestvo va yangi yil.
Sayohat kemasida tushlik
Qorni och, lekin oddiy restoran yoki qahvaxonaga borishni istamaydigan insonlar uchun maqbul taklif. Tushlik kruizida Parijning go‘zalligini ko‘rish va bir vaqtning o‘zida ovqatlanish mumkin. Qatnov soat 12:45 da boshlanadi. Yo‘lovchilarning bortga chiqishi suzib ketishdan o‘n besh daqiqa oldin tugaydi. Har kuni oshpazlar mehmonlarni yangi taomlar bilan ajablantirishga harakat qilishadi. Safar davomiyligi 2 soat.
Ushbu kruiz uchun uchta toifadagi chiptalar mavjud:
“Etual”;“Imtiyoz”;“Premyer”.Narxlar ovqat va ichimliklardagi takliflar o‘rtasida farqlanadi. Eng qimmat variantda yo‘lovchilarga mashhur sharobdan bir qadah va eng yaxshi fransuz gazaklaridan tortiladi. Narxlar 40 yevrodan 200 yevrogacha.
Sayohat kemasida kechki ovqat
Suvda tushlik qilish, albatta, yaxshi. Ammo Parijning diqqatga sazovor go‘shalarini ko‘rib romantik muhitda kechki ovqat tanovvul qilish sayyohlarga ko‘proq yoqishi aniq. Bunday sayohat har kuni Bateaux Parisiensdan soat 20:30 da boshlanadi va 2,5 soat davom etadi. Kechqurun jonli musiqa yanada o‘zgacha muhit yaratadi. Bir nechta skripka va pianinochilar klassik kompozitsiyalarni ijro etishadi. Bolalar uchun narx 44 yevroni tashkil qiladi. Tushlikda bo‘lgani kabi, kattalarga bir kishilik tanovvul 205 evrogacha bo‘lgan bir nechta variant mavjud.
Davomli sayohat qiladigan daryo tramvayi
Unutilmas oqshom uchun maxsus taklif: kechki ovqat kruizi va undan keyin Moulin rujdagi shou. Bunda xizmatchi sizni mehmonxonadan olib chiqib, motorli kemadagi stolingizga olib boradi, u yerda eng qimmat vinolar hamrohligida fransuz oshxonasining eng yaxshi taomlari beriladi. Kechki ovqatdan keyin dunyodagi eng mashhur joylarda shampan tomoshasini ko‘rish mumkin. Ushbu turning narxi 200 yevrogacha. Bu faqat kattalar uchun. Transport sayyohlarni kechqurun soat 17:30 da olib ketadi. Ular uyga soat 23:30 da etib kelishadi.
