Futbol bo‘yicha Italiya chempionatining 8-turida “Milan” safarda “Empoli” bilan bahs olib bordi.
Uchrashuvning birinchi bo‘limida darvozalar daxlsizligi saqlanib qoldi. Ikkinchi bo‘limda milanliklar faolroq harakat qildi va 79-daqiqada Ante Rebichning goli evaziga hisobni ochdi. O‘yinning so‘nggi daqiqalarida Nedim Bayrami gol urib, muvozanatni tikladi. 90+4-daqiqada Fode Ballo-Ture “rossonerilar”ning navbatdagi goli muallifiga aylandi. 90+7-daqiqada esa Rafael Leau hisobni ishonchli ko‘rinishga olib keldi.
Ushbu g‘alabadan so‘ng “Milan” ochkolari sonini 17 taga yetkazib, 3-o‘rinni band etdi. “Empoli” esa 7 ochko bilan 14-pog‘onadan joy oldi.
A Seriya
8-tur bahsi
1-oktabr, shanba
“Empoli” — “Milan” 1:3
Gollar: 0:1 – 79 Rebich, 1:1 – 90+2 Bayrami, 1:2 – 90+4 Ballo-Ture, 1:3 – 90+7 Rafael Leau.“Empoli”: Vikario, Stoyanovich, Luperto, de Vinter, Parizi, Henderson (Bayrami, 58), Grassi (Marin, 45), Haas (Kambyagi, 83), Pyasa (Bandinelli, 58), Lammers, Satriano (Destro, 82).
“Milan”: Teterushanu, Kalabriya (Kalulu, 39), Kyer (Dest, 73), Tomori, Ballo-Ture, Bennaser, Salemakers (Krunich, 33), Tonali, de Ketelare (Braim Dias, 73), Jiru (Rebich, 73), Rafael Leau.
Ogohlantirishlar: Kyer (24), Haas (26), de Vinter (56), Luperto (61), Zanetti (81), Bennaser (90).
Izoh (0)