Sharqiy Quddusda keskinlik avjiga chiqmoqda (video)

Sharqiy Quddusda keskinlik avjiga chiqmoqda.

Yakshanba kuni boshlangan yahudiylarning Rosh-Xashana bayramini nishonlash chog‘ida Isroil xavfsizlik kuchlari tomonidan himoyalangan yahudiylar Al-Aqso majmuasiga bostirib kirishdi.

Guvohlarning Anadolu agentligiga aytishicha, dushanba kuni isroillik harbiylar al-Mug‘robiy darvozasidan o‘nlab yahudiylarni olib kirishgan.

Al-Aqso majmuasida politsiya kuchlari ko‘pchilikni tashkil etgan, ofitserlar hatto majmuadagi asosiy ibodatxonalardan biri bo'lgan Qibli masjidiga ham kirib borishgan.

O‘tgan haftada bir qancha yahudiy ekstremistik guruhlari yahudiylarni Rosh-Xashona bayrami vaqtida Al-Aqsoga bostirib kirishga undagan.

Falastin guruhlari esa falastinliklarni yaqin kunlarda majmuada bo‘lib turishga chaqirdi.Guvohlarning so'zlariga ko'ra, Isroil xavfsizlik xodimlari falastinliklarga hujum qilgan va ko'pchilikni majmuani tark etishga majburlagan, shu bilan birga yana o'nlab odamlarning kirishiga to'sqinlik qilgan.

Falastin Qizil Yarim Oy Jamiyatiga ko'ra, kamida ikki falastinlik Isroil kuchlarining hujumlaridan keyin tibbiy yordamga muhtoj bo‘lgan.