O‘zbekiston shimoliy hududlariga 26-sentabr, dushanba kunidan Volga bo‘yidan sovuq antisiklon kirib keladi, deb xabar bermoqda “O‘zgidromet”.
Qayd etilishicha, seshanbadan havo massasining kirib kelishi respublikaning barcha hududlariga tarqaladi va hafta oxirigacha O‘zbekiston hududi nisbatan sovuq antisiklon periferiyasi ta’siri ostida bo‘ladi.
27-sentabrdan boshlab respublikaning barcha hududlari bo‘yicha havo sovuqlashadi, kunduzgi harorat 22-27 darajagacha pasayadi. 29—30-sentabrda kechalari harorat pasayadi, kechasi va ertalab 10-15 darajagacha pasayadi.
26—27-sentabr kunlari front o‘tishida ba‘zi joylarda shamol chang-to‘zonlar bilan 15-20 metr/sekundgacha kuchayishi kutilmoqda. Janubning eng chekkasida va Farg‘ona vodiysida shamolning kuchayishi 21-23 metr/sekundga yetishi mumkin.
Respublikaning tekislik hududlarida yog‘ingarchilik kutilmaydi, faqat 27-sentabr kuni tog‘oldi va tog‘li hududlarda ba’zi joylarda biroz yomg‘ir yog‘adi.
Izoh (0)