Yaponiyada inflyatsiya o‘sishi sakkiz yil ichida ilk bor maksimal darajada tezlashdi

Yaponiyada iste’mol narxlari avgust oyida o‘tgan yilning shu oyiga nisbatan 3 foizga oshdi. Bu haqda mamlakat Ichki ishlar va kommunikatsiyalar vazirligiga tayanib Reuters xabar bermoqda.

Inflyatsiya iyul oyidagi 2,6 foizga nisbatan tezlashdi. O‘sish sur’atlari 2014-yil sentabr oyidan beri eng yuqori ko‘rsatkichga yetdi, narxlar ketma-ket o‘n ikkinchi oy ko‘tarilmoqda.

Inflyatsiyaning tezlashishi Ukrainadagi urush fonida yoqilg‘i va oziq-ovqat narxining oshishi va yapon iyenasining pasayishi bilan bog‘liq.

Mamlakatda iste’mol narxlari iyun oyida 2,4 foizga o‘sganidan keyin avgust oyida o‘tgan yilning shu davriga nisbatan 2,8 foizga ko‘tarildi.

Shu bilan birga, o‘sish sur’atlari 2014-yil oktabr oyidan beri eng yuqori ko‘rsatkichga aylandi.

Yaponiyada o‘tgan oyda oziq-ovqat mahsulotlari 4,7 foizga, yoqilg‘i, elektr energiyasi va suv 15,6 foizga, kiyim-kechak va poyabzal 1,5 foizga qimmatlashgan.

Ta’lim xizmatlari narxi 0,7 foizga, transport 0,6 foizga oshib, tibbiy yordam 0,7 foizga kamaydi.

Avvalroq Yaponiyada rekord darajadagi savdo kamomadi qayd etilgani haqida xabar berilgandi.