Londonning ICE Futures birjasida Yevropa uchun gaz narxi 10 foizga arzonlashdi. Bu haqda “Kommersant” xabar bermoqda.
Bir hafta ichida birinchi marta narx ming kub metr uchun 3 ming dollardan pastga tushdi. Gazning sentabr fyucherslari 2 915 dollargacha arzonladi.
25-avgust kuni gazning spot narxi mart oyi boshidan buyon rekord darajaga yetgan edi — 3,5 ming dollar.
7-mart kuni gazning birja narxi tarixda birinchi marta ming kub metr uchun 3 900 dollargacha ko‘tarilgan edi.
“Gazprom” bu qishda Yevropada gaz narxi ming kub metr uchun rekord darajadagi 4 ming dollardan oshishini prognoz qilgan edi.
Yevropada gaz narxi bir necha omillar tufayli ko‘tarilmoqda. Bulardan biri shamol tegirmonlaridan elektr energiyasi ishlab chiqarishni kamaytiradigan va suv yo‘llari orqali ko‘mir tashishni qiyinlashtiradigan issiqlik va qurg‘oqchilik.
Bundan tashqari “Shimoliy oqim” gaz quvurining 31-avgustdan 2-sentyabrgacha rejalashtirilgan to‘xtatilishi munosabati bilan suyultirilgan gaz yetkazib berish bo'yicha Osiyo fyucherslarining o'sishi tufayli narx oshmoqda.
Izoh (0)