Toshkent viloyatining Bekobod tumanida ko‘chmas mulk obyektlari 1-noyabrga qadar xatlovdan o‘tkaziladi. Bu haqda AOKAda o‘tkazilgan brifingda Davlat kadastrlari palatasi axborot xizmati rahbari Munojatxon Yo‘ldosheva ma’lum qildi.
Bekobod tumanida mavjud jami 74 969 gektar yer maydonidan hozirda xatlov natijalariga ko‘ra 59 409 gektar yer maydoni hisobga olinib, UzKAD axborot tizimiga kiritildi.
Bundan tashqari 32 ta Madaniy meros obyektining 21 tasi UzKAD axborot tizimida shakllantirildi.
Bekobod tumanida yer hisobi bo‘yicha 2 697 gektar Davlat zaxira yerlari sifatida ko‘rsatilgan. Shundan 2 214 gektar yer maydoni UzKAD axborot tizimida hisobga olingan.
Sinov tariqasida boshlangan Bekobod tumanidagi xatlov natijalariga ko‘ra, barcha Respublika yerlari qamrab olinishi ko‘zda tutilgan.
Izoh (0)