Ukraina prezidenti devoni rahbari maslahatchisi Mixail Podolyak Amnesty International tashkiloti hisobotiga javoban “Ukraina urush va xalqaro gumanitar huquqning barcha qonunlariga doimo rioya qilib kelgan”, — deya qat’iyan ta’kidladi. Bu haqda Meduza nashri xabar bermoqda.
Uning qayd etishicha, Ukraina hukumati Donbass aholisini vaqtincha hududni tark etishga chaqirgan va majburiy evakuatsiya qilishni boshlagan.
Podolyakning qo‘shimcha qilishicha, ular o‘z aholisining xavfsizligi uchun qancha harakat qilmasin “Rossiya baribir hech qanday qoida va qonunlarni mensimaydi” va frontdan 500 kilometr uzoqlikdagi turar joylarni o‘qqa tutadi.
Ukraina armiyasining qonunbuzarliklari haqidagi har qanday bayonot — axborot operatsiyasi xarakteriga ega. Shuningdek, bu hisobot Ukraina Qurolli kuchlarini obro‘sizlantirish va G‘arb hamkorlarining qurol-yarog‘ yetkazib berishiga putur yetkazishdir, — deya xulosa qiladi Podolyak.Avvalroq Amnesty International tashkiloti Ukraina tomonidan harbiy qonunlar buzilganligi haqida ma’lum qilgan edi.
Izoh (0)