Rossiya gaz yetkazib berishni yana qisqartirishi mumkinligi va global yoqilg‘i taqchilligi sabab Osiyoda tabiiy gaz narxlari oshib bormoqda. Bu haqda Bloomberg xabar berdi.
S&P Global ma’lumotlariga ko‘ra, Shimoliy Osiyodagi suyultirilgan gaz 22-iyulda 12 foizga oshdi. Bu Ukrainada urush boshlanganidan beri eng yuqori daraja.
Narxlar yanada ko‘tarilishi kutilmoqda, chunki bir qancha osiyolik importyorlar yilning qolgan qismida gaz eksportini yo‘lga qo‘yish niyatida.
Yaponiya va Janubiy Koreyadagi suyultirilgan gaz xaridorlari qishdan oldin zaxiralarni to‘ldirish uchun eksportni ta’minlashi kerak. Bu orqali ular Yevropadagi raqobatchilardan ustun turishni boshlaydi.
Rossiya hukumati “Shimoliy oqim” quvuri orqali yetkazib berish hajmi hozirgi 40 foizdan 20 foizga tushishi mumkinligi haqida ogohlantirdi.
Xaridorlar Rossiyaning Yevropaga olib boradigan eng yirik quvuri bo‘lgan “Shimoliy oqim” orqali ta’minot kafolatlanganiga ishonchi komil emas.
Shu tufayli osiyolik iste’molchilar kuz va qishki ta’minot uchun spot xaridlarni tezlashtirmoqda.
Avvalroq “Shimoliy oqim” Yevropaning gaz inqirozida qanday muhim ahamiyatga egaligi ma’lum bo‘lgandi.
Izoh (0)