Buxoro viloyatida “Taftish.uz” internet-nashrining muxbiriga nisbatan jinoyat ishi ochildi, deb xabar bermoqda viloyat Ichki ishlar boshqarmasi.
Qayd etilishicha, huquqni muhofaza qiluvchi idoralar xodimlari tomonidan hamkorlikda tezkor tadbir o‘tkazilgan. Tadbir davomida Jondor tumani “Luqmon” mahallasida yashovchi “Taftish.uz” maxsus muxbiri A.Z. (1979-yilda tug‘ilgan) ushlangan. U o‘zining vakolatiga kirmasa-da, M.D. ismli shaxsdan boshqa bir fuqaro B.A.ning foydasiga MIB orqali undirilishi lozim bo‘lgan 5 million so‘m moddiy zarar summasini undirishni to‘xtatib qo‘yish evaziga 1 million so‘m so‘ragan. Aldov yo‘li bilan avval 200 ming so‘mni qo‘lga kiritib, so‘ng qolgan 800 ming so‘mni olayotgan vaqtda ashyoviy dalillar bilan qo‘lga olingan.
Gumon qilinuvchi A.Z. bilan olib borilgan tezkor surishtiruv hamda tergovga qadar tekshiruv harakatlari davomida u yana bir holatda fuqaroga akasi bilan o‘rtalaridagi nizoli uy bo‘yicha kadastr hujjatlarini uning foydasiga rasmiylashtirib berishga yordam berishini aytgan. Aprel oyida 2,5 million so‘m pullarni firibgarlik yo‘li bilan qo‘lga kiritgan.
Holatlar yuzasidan Z.A.ga nisbatan Jinoyat kodeksining 168-moddasi (firibgarlik) 3-qismi bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Mavzuga doir:
- “Pul bersangiz, maqtayman. Bo‘lmasa, tanqid qilaman”. Surxondaryoda soxta jurnalist aniqlandi
- Qashqadaryolik bloger yer olib berishni va’da qilib, 7 mln so‘m olgan vaqtida qo‘lga olindi
- Qashqadaryoda tanish ayolga tegishli videolarni tarqatmaslik uchun pul talab qilgan bloger ishi sudda ko‘rib chiqilmoqda
Izoh (0)