Shri-Lanka parlamenti spikeri Mahinda Yapa Abeyvardenaning aytishicha, prezident Gotabaya Rajapaksa unga 13-iyul kuni o‘z lavozimini tark etmoqchiligi haqida ma’lum qilgan.
Rajapaksaning vakillari hali bu xabarni tasdiqlamadi.
Ushbu bayonot 9-iyul kuni minglab namoyishchilar Shri-Lanka prezidentining qarorgohi va idorasiga bostirib kirib, uning iste’fosini talab qilganidan keyin e’lon qilindi. OAV xabarlariga ko‘ra, Rajapaksaning o‘zi oldindan evakuatsiya qilingan.
So‘ng namoyishchilar avvalroq iste’foga chiqishga tayyorligini ma’lum qilgan bosh vazir Ranil Vikramasingxning uyiga bostirib kirib, binoga o‘t qo‘ygan. O‘sha paytda Vikramasingx qayerda bo‘lgani ma’lum qilinmagan.
Shri-Lankadagi norozilik namoyishlari og‘ir iqtisodiy inqiroz fonida o‘tkazilmoqda. Mamlakatda rekord darajadagi inflyatsiya kuzatilmoqda, oziq-ovqat, dori-darmon va yonilg‘i yetishmayapti.
Izoh (0)