Jizzax viloyati Yangiobod tumanida 4-iyul kuni Damas va “VAZ-2106” ishtirokida yo‘l-transport hodisasi sodir bo‘ldi. Bu haqda viloyat Ichki ishlar boshqarmasi xabar qildi.
Qayd etilishicha, holat shu kuni soat taxminan 7:30 lar atrofida Yangiobod tumani hududidan o‘tuvchi 4R-34 Jizzax—Ravot—Zomin—Savot—Xovos avtomobil yo‘lining 91-kilometrida sodir bo‘lgan. Damas avtomashinasi haydovchisi (1997-yilda tug‘ilgan) boshqaruv vaqtida uxlab qolgan. So‘ng qarama-qarshi yo‘nalishda harakatlanib kelayotgan haydovchi (1999-yilda tug‘ilgan) boshqaruvidagi “VAZ-2106” avtomashinasining yo‘liga chiqib ketib, to‘qnashgan.
YTH oqibatida Damas mashinasidagi yo‘lovchi (1987-yilda tug‘ilgan) og‘ir tan jarohatlari bilan voqea joyida halok bo‘lgan. Ushbu avtomashina haydovchisi esa turli tan jarohatlari bilan tuman kasalxonasiga yotqizilgan.
Izoh (0)