“Liverpul” “Real” futbolchisi uchun kurashga qo‘shildi

“Real” hujumkor yarim himoyachisi Marko Asensio faoliyatini “Liverpul”da davom ettirishi mumkin.

AS nashrining xabar qilishicha, “qizillar” futbolchining vakillari bilan bog‘langan.

Markoning o‘zi unga o‘yin amaliyotini kafolatlaydigan jamoaga o‘tmoqchi. “Liverpul” hujum chizig‘idagi raqobatni inobatga olgan holda buning imkoniyati kam.

Asensio kelajagi bilan bog‘liq qarorni qabul qilishda shoshilmoqchi emas. U bir necha oy ilgari agenti Jorje Mendeshga eng yaxshi variantlarni qidirishni buyurgan.

Avvalroq ispaniyalik o‘yinchiga “Milan”, “Manchester Yunayted”, “Yuventus”, “Arsenal” va “Nyukasl”dan qiziqish borligi xabar qilingandi.

26 yoshli vingerning “Real” bilan amaldagi shartnomasi 2023-yilning yoziga qadar mo‘ljallangan.