Shvetsiyada inflyatsiya mayda aprel oyidagi 6,4 foizdan 7,2 foizga oshdi. Bu haqda Shvetsiya statistika boshqarmasi (SCB) ma’lumotlariga tayanib, SVT Nuheter telekanali xabar bergan.
Bu 1991-yildan beri qayd etilgan eng yuqori ko‘rsatkich. Shu tariqa Shvetsiyadagi pulning qadrsizlanishi, ya’ni inflyatsiya darajasi 31 yillik antirekordni yangilagan.
Boshqarma asosan oziq-ovqat mahsulotlari, jumladan, go‘sht, sut, pishloq va tuxum uchun narxlarning oshganligini qayd etgan.
Butun Yevropa bo‘ylab narxlarning keskin, rekord darajada oshishi kuzatilmoqda. Yevrohududdagi yillik inflyatsiya 8,1 foizga tezlashgan. Bu ketma-ket qayd etilayotgan yettinchi rekord degani, aprel oyida ko‘rsatkich 7,4 foizni tashkil qilgan. Bunda borgan sari narxi oshib borayotgan energiya resurslari birlamchi ahamiyat kasb etmoqda.
Izoh (0)