Bugun,

  • USD 11095.31
  • RUB 173.84
  • EUR 10772.44

Ottava Ukrainaga qo‘shimcha ravishda yana 20 mingta artilleriya snaryadlarini yuboradi. Bu haqda Kanada mudofaa vaziri Anita Anandning so‘zlariga tayanib “Interfaks” xabar tarqatgan.

Foto: ZUMA

Foto: ZUMA

Vazirning bayonotiga ko‘ra, AQSHdan 98 million dollar evaziga olingan qurol-yaroqlar Ukrainaga Kanada va boshqa ittifoqchilar tomonidan yuborilgan M777 gaubitsalari uchun ishlatiladi.

Shuningdek, Kanada OAV mamlakatning Ukrainaga yuqori sifatli sun’iy yo‘ldosh tasvirlari, sakkizta zirxli transport, kamera o‘rnatilgan o‘nlab dronlar, pulemyotlar, karabinalar, zirxli nimchalar taqdim qilgani haqida yozgan.

Avvalroq Pentagon rahbari Lloyd Ostin “Ukraina mudofaasi bo‘yicha kontakt guruhi” uchrashuvida Kiyevga 20 ta davlat tomonidan qo‘shimcha yordam yuborilishini aytgandi. Ostin Italiya, Gretsiya, Norvegiya va Polsha kabi mamlakatlarning Ukrainaga artilleriya jihozlarini berishini qayd etgan.

Shuningdek, Erdo‘g‘on “Ukraina bo‘yicha shou”da Turkiya qatnashmayotganini ma’lum qilgani, AQSHning o‘z elchixonasini qo‘riqlash uchun Kiyevga maxsus bo‘linmalarini yuborishi mumkinligi, Polsha prezidenti Ukraina Yevropa Ittifoqiga qo‘shilmaguncha “tinchimaslikka” va’da bergani haqida xabar qilingan.

Izoh
Asosiy yangiliklar
Mahalliy
O‘zbekistonda 29-may kuni 39 darajagacha issiq bo‘ladi
Shou-biznes
“Xitoydan o‘ligim qaytadi deb qo'rqqanman”. Uch xil ovozda gapira oladigan xalqaro sirk ustasi, vayner Sherzod Mamadaliyev bilan suhbat (video)
Mahalliy
Xorazmda 3-sinf o‘quvchilariga behayo xatti-harakatlar qilgan 61 yoshli o‘qituvchi besh sutkaga qamaldi