Vazirlar Mahkamasining qarori bilan Toshkent viloyati Chirchiq shahrida 80 gektar yer maydonida davlat-xususiy sherikchilik asosida o‘rmon tipidagi istirohat bog‘i va dam olish maskani barpo etiladi. Bu haqda Telegram’dagi “Nigoh” kanali xabar berdi.
Hujjatga ko‘ra, istirohat bog‘i va dam olish maskani aholining dam olishi uchun qulay bo‘lgan, daraxtzorlar bilan qoplanadi.
Shuningdek, bolalar shaharchasi, ekoferma (hayvonot bog‘i), skeyt-park, sun’iy tirmashish qoyasi, turli xildagi sport maydonchalari va attraksionlar, yugurish va veloyo‘laklar, tabiiy amfiteatr maydoni barpo etiladi.
Eslatib o‘tamiz, 2021-yilning avgustida prezident Shavkat Mirziyoyev O‘zbekistondagi istirohat bog‘larining bugungi holatini tanqid qilgandi. “Respublikadagi 300 ga yaqin istirohat bog‘i turli vazirlik va idoralarga qarashli bo‘lib, ularning aksariyati qarovsiz, desak bu ham haqiqat. Misol uchun, Andijon shahrida Madaniyat vazirligi va Yoshlar ittifoqiga qarashli 3 ta istirohat bog‘i ta’mirtalab ahvolda”, — degandi davlat rahbari.
Izoh (0)