Andijon viloyatida yer maydonini noqonuniy ravishda sotishga uringan shaxs qo‘lga olindi, deya xabar bermoqda viloyat IIB axborot xizmati.
Qayd etilishicha, 2022-yil 22-aprel kuni Andijon viloyati IIB JQB Yer resurslari talon-toroj qilinishiga qarshi kurashish bo‘linmasi hamda Andijon viloyat prokuraturasi yer resurslariga qarshi kurashish bo‘limi xodimlari bilan hamkorlikda fuqaro O.R.ning arizasiga asosan tezkor tadbir o‘tkazildi.
Tezkor tadbir davomida fuqaro F.N. o‘zganining mulkini firibgarlik yo‘li bilan qo‘lga kiritish maqsadida Xo‘jaobod tumani “Xidirsha” MFY hududidagi 3,5 sotixli quruq yer maydonini sotish mumkin emasligini bilsa-da, O.R.ning nomiga uy-joy qurishga mo‘ljallangan kadastr hujjatlarini rasmiylashtirib berish uchun 9 ming AQSH dollariga sotishga kelishib, ushbu pullarni Xo‘jaobod tumanida olgan vaqtida daliliy ashyolar bilan qo‘lga olindi.
Mazkur holat yuzasidan Xo‘jaobod tumani IIB huzuridagi Tergov bo‘linmasi tomonidan Jinoyat kodeksining 168-moddasi 3-qismi “a” bandi (firibgarlik) bilan jinoyat ishi qo‘zg‘atilib, tergov harakatlari olib borilmoqda.
Izoh (0)