“Borussiya Dortmund” bosh murabbiy Marko Rozeni iste’foga chiqardi. Bu haqida jamoa rasmiy sayti ma’lum qildi.
Dortmundliklar 45 yoshli mutaxassis bilan shartnomani bekor qildi.
“O‘tgan mavsumni chuqur tahlil qilgan holda, klub oldinga siljishga qaror qildi. Marko Rozega omad tilaymiz”, — deyiladi “Borussiya” bayonotida.
Nemis mutaxassisi “Dortmund” klubiga 2021-yil yozida bosh murabbiy etib tayinlangan edi.
“Borussiya D” Roze qo‘l ostida 34 o‘yinda 69 ochko jamg‘argan holda Bundesligada ikkinchi o‘rinni qo‘lga kiritdi.
Jamoa Germaniya Kubogida 1/8 finalda “Sankt-Pauli”ga imkoniyatni boy berib, musobaqani tark etgandi. Yevropa Ligasi 1/8 finaliga o‘tish o‘yinida esa “Reynjers”ga mag‘lub bo‘lgandi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
