Bugun,

  • USD 11014.01
  • RUB 191.8
  • EUR 10674.78

Jahon sog‘liqni saqlash tashkiloti (JSST) maymunchechak kasalligi avj olishi holatini muhokama qilish uchun ekspertlar guruhini shoshilinch majlisga chaqirdi, deb yozadi “RBK”.

Foto: Global Look Press

Foto: Global Look Press

The Telegraph ma’lumotlariga ko‘ra, suhbatning asosiy mavzulari virus tarqalishi va vaksinatsiya bilan bog‘liq vaziyatga tegishli bo‘lishi kutilmoqda. Tadbirda JSST sog‘liqni saqlash sohasidagi favqulodda vaziyatlar dasturi ijrochi direktori Mayk Rayan qatnashishi taxmin qilinmoqda.

Ma’lumot uchun, maymunchechak birinchi marta 1958-yilda aniqlangan noyob yuqumli kasallikdir. U bilan kasallanish asosan, Afrikada kuzatilgan: odatda ushbu kasallikni 16 yoshgacha bo‘lgan o‘smirlar yuqtirgan. Tadqiqotlar shuni ko‘rsatdiki, maymunchechak ko‘proq chechakka o‘xshaydi. Kasallikning o‘lim darajasi taxminan 10 foizni tashkil qiladi, ehtimoliy asoratlar orasida ensefalit, meningoensefalit, pnevmoniya, sepsis mavjud. Tabiiy chechakka qarshi emlash maymunlar orasida keng tarqalgan ushbu virusga qisman immunitetni ta’minlaydi.

Buyuk Britaniya maymunchechak bilan kasallanish holati aniqlangani haqida birinchi bo‘lib ma’lum qildi — 7-may kuni u yerda Nigeriyaga borib kelgan odamda kasallik aniqlangan. So‘nggi ma’lumotlarga ko‘ra, mamlakatda bunday holatlar allaqachon 11 taga yetgan — buni Birlashgan Qirollik sog‘liqni saqlash agentligi tasdiqladi.

“Aksariyat hollarda kasallik yengil shaklda kechmoqda va shuni tasdiqlashim mumkinki, biz maymunchechakka qarshi samarali bo‘lgan vaksinalarning qo‘shimcha dozalarini sotib olib qo‘yganmiz”, — deya ma’lum qildi Britaniya sog‘liqni saqlash vaziri Sajid David.

Shuningdek, Germaniyada maymunchechak yuqtirish bilan bog‘liq birinchi holat qayd etildi. Germaniya sog‘liqni saqlash vaziri Karl Lauterbax ma’lum qilishicha, mavjud ma’lumotlarga asoslanib, virus uncha tez tarqalmaydi, deyish mumkin. Agar sog‘liqni saqlash organlari tezkorlik bilan harakat qilsa, virus avj olishini to‘xtatib qolish mumkin, dedi u.

OAVlar Ispaniyada 30 kishi, Portugaliyada 26 kishi va Italiyada uch kishi maymunchechakni yuqtirgani haqida xabar bermoqda. Fransiyada virus tarqalgan mamlakatlarga bormagan bir erkakda kasallik aniqlangan, Belgiyada esa ikkita holat tasdiqlangan. AQSH, Kanada va Avstraliya bittadan holat haqida ma’lum qilgan.

Izoh
Asosiy yangiliklar
Sport
YCHL. “Bavariya” o‘z maydonida raqibini tor-mor etdi, “Marsel” 5 ta gol urilgan o‘yinda “Sporting” ustidan yirik hisobda g‘alaba qozondi
Mahalliy
“Daryo” kundaligida 4-oktabrda sodir bo‘lgan eng muhim voqealar
Dunyo
Belgorod shahri osmonida noma’lum uchqun paydo bo‘ldi (video)