“Turkiya Shvetsiya va Finlyandiyaning NATOga kirishini ma’qullamaydi, ularning diplomatlari bizni ishontirishga urinmasa ham bo‘ladi” — Rajab Toyyib Erdo‘g‘on

Turkiya prezidenti Rajab Toyyib Erdo‘g‘on mamlakatning Shvetsiya hamda Finlyandiya NATO a’zoligiga qabul qilinishi yuzasidan tashabbuslarni qo‘llab-quvvatlamasligini ma’lum qildi. Bu haqda Daily Sabah xabar qilgan.

Erdo‘g‘on ushbu ikki mamlakatning “terrorchilikka nisbatan aniq pozitsiyaga ega emasligini” ta’kidlagan.

Turkiya prezidenti Shvetsiya va Finlyandiya TIV rahbarlari mamlakatga kelib alyansga qo‘shilish bo‘yicha so‘rovni ma’qullash uchun urinmaslikni qo‘shimcha qilgan. Avvalroq ikki davlat diplomatlari Anqaraga kelib, Turkiya tomoni bilan NATOga kirish uchun so‘rov masalasini muhokama qilmoqchi ekanligi haqida xabarlar tarqalgandi.

Shvetsiya va Finlyandiya may o‘rtasida NATO a’zoligiga kirish uchun rasman so‘rov yubormoqchiligin e’lon qilgan. Ularning avvalgi betaraflik siyosatidan voz kechishiga, rasmiy ma’lumotlarga ko‘ra, Rossiyaning Ukrainaga qarshi urush boshlagani turtki bergan.