Ijtimoiy tarmoqlarda Toshkentdagi shifoxonalarning birida ayollar va erkak o‘rtasidagi janjal aks etgan video tarqaldi. Poytaxt IIBBning ma’lum qilishicha, janjal ayollar shifokor qabuliga navbatsiz kirgani sabab kelib chiqqan.
Ma’lum qilinishicha, 4-may kuni soat 20:30 larda Yunusobod tumanida joylashgan xususiy klinikalardan birida 30 yoshli Y.L. va uning 26 yoshli singlisi Y.X. shifokor ko‘rigiga navbatsiz kirib ketgan. Bundan norozi bo‘lgan navbatda turgan erkak M.S. (1993-yilda tug‘ilgan) e’tiroz bildirgan. Natijada ular o‘rtasida o‘zaro janjal chiqqan.
Mazkur holat yuzasidan Yunusobod tumani IIO FMB Tergov bo‘limi tomonidan Jinoyat kodeksining 277-moddasi (bezorilik) alomati bilan jinoyat ishi qo‘zg‘atilgan. Tergov davom etmoqda.
Bundan oldin Toshkentda 21 yoshli yigit sevgan qizi to‘g‘risida “yomon gaplar” aytgan tanishini pichoqlab qo‘ygani, Toshkentdagi kafeda Xitoy fuqarosi ayolni oila a’zolari qarshisida urgani to‘g‘risida xabar berilgandi.
Izoh (0)