“Roma”ni Konferensiyalar Ligasi finaliga olib chiqqan Joze Mourinyo ikkita rekord qayd etdi

Joze Mourinyo qo‘l ostida “Roma” Konferensiyalar Ligasi yarim finalida “Lester”ni mag‘lub etib (1:0, 1:1), final yo‘llanmasini qo‘lga kiritdi.

Portugaliyalik mutaxassis 4 ta turli jamoa bilan Yevrokuboklar finaliga chiqqan ilk murabbiyga aylandi.

Avvalroq Mourinyo “Portu” bilan Chempionlar Ligasi va UEFA Kubogi finaliga chiqqan edi, “Inter” bilan Chempionlar Ligasi, “Manchester Yunayted” bilan esa Yevropa Ligasi finalida o‘ynagan.

Undan tashqari 59 yoshli Joze jamoalarini Chempionlar Ligasi (“Portu”, “Inter”), Yevropa Ligasi (“Manchester Yunayted”) va Konferensiyalar Ligasi (“Roma”) finaliga chiqqan ilk murabbiyga aylandi.

Qayd etish joiz, Konferensiyalar Ligasi ushbu mavsum birinchi marta o‘tkazilmoqda.

“Roma” 25-may kuni Konferensiyalar Ligasi finalida “Feyenoord” bilan bahs olib boradi.