Belarus Qurolli kuchlarida to‘satdan shaylikni tekshirish boshlandi. Bu haqda mamlakat Mudofaa vazirligi xabar bermoqda.
Tekshiruvning maqsadi — “harbiy xizmatchilarning inqirozli vaziyatlar yuzaga kelgan taqdirda zudlik bilan javob qaytarishga tayyorligi va qobiliyatini baholash”. Harbiy qismlar shay holatga keltirish, majburiy marshlar va boshqa vazifalarni bajaradi.
Vazirlik tekshiruvda ishtirok etuvchi kuchlarning tarkibini bosqichma-bosqich oshirib borish va manyovrlar davomida “katta miqdordagi harbiy texnika”ni olib o‘tish rejalashtirilganini ta’kidladi hamda shu sabab tirbandlik yuzaga kelishi mumkinligini bildirib, fuqaro haydovchilarni ehtiyot bo‘lishga chaqirdi.
Belarus Mudofaa vazirligi voqealar “Yevropa hamjamiyatiga, xususan, qo‘shni davlatlarga hech qanday tahdid solmasligini” ta’kidladi. Mavzuga doir:- Rossiya va Belarus qo‘shma mashg‘ulotlarni davom ettiradi. Bunga Donbassdagi vaziyatning keskinlashuvi sabab bo‘lmoqda
- Britaniya “Rossiya agressiyasi”ga qarshi kurash uchun Sharqiy Yevropadagi mashg‘ulotlarga 8 ming askarini yuboradi
- Janubiy Koreya va AQSh kelasi hafta qo‘shma harbiy mashg‘ulotlar o‘tkazishni rejalashtirmoqda
