Huawei kompaniyasi ulkan akkumulyator sig‘imiga ega yangi smartfonini taqdim etdi, deb xabar beradi GSMArena.
Yangi qurilma piksellari nisbati 1600x720 ga teng 6,75 dyuymli LCD-displey bilan jihozlangan bo‘lib, old tarafidagi tomchisimon qirqimga f/2.0 difragmali selfi kamera joylashtirilgan (8 megapiksell).
Gadjetning yana bir o‘ziga xosligi — sig‘imi 6000 mA/soatni tashkil etuvchi keng sig‘imli akkumulyatorga egaligida. Ishlab chiqaruvchining ma’lum qilishicha, smartfon bir marta quvvatlanish orqali uch kungacha ishlay oladi. Shuningdek, qurilma tezkor quvvatlanish funksiyasiga ham ega, biroq u cheklangan — 22,5 vatt.
Smartfonning orqa qismida asosiy datchigi 48 megapikselga teng uchtalik kamera o‘rin olgan. Uning yonida 120 burchak ostida tasvirga olish imkoniyatga ega 5 megapikselli va chuqurlikni o‘lchovchi 2 megapikselli datchik joylashgan.
Huawei’ning yangi smartfoni 1-may sanasidan sotuvga chiqadi. 4/128 gigabaytli versiyasi narxi 365 dollarni tashkil etadi.
Avvalroq Rossiyaning Caviar brendi Huawei P50 Pro smartfonini “Alyonka” shokoladiga aylantirilgani to‘g‘risida xabar berilgandi. Mavzuga doir:
