Xamiri yumshoq kartoshkali pirojki retsepti

Pirojki ko‘pchilikning sevimli yeguligi bo‘lishiga qaramay, unga xamirturush qo‘shilishini yoqtirishmaydi. Ammo “Bel novosti” nashri tamoman boshqacha retsept bilan bo‘lishdi.

Kerakli mahsulotlar:

• un — 400 gramm;
• kefir — 200 gramm;
• smetana — 2 osh qoshiq;
• tuxum sarig‘i — 2 dona;
• iste’mol sodasi — 0,5 choy qoshiq;
• o‘simlik yog‘i — 1 osh qoshiq;
• kartoshka pyuresi, tuz va shakar.

Tayyorlanish jarayoni:

1. Idishga kefir, smetana, tuxum sarig‘i solinib, aralashtiriladi va biroz ilitishga qo‘yiladi.
2. Un elakdan o‘tkaziladi va kefirli aralashma ustidan oz-ozdan solinadi. Ustidan iste’mol sodasi, tuz va shakar qo‘shiladi.
3. Oxirida yog‘ qo‘shib, xamir qoriladi va 40 daqiqaga tindirish uchun qo‘yiladi.
4. So‘ngra xamir bir xil bo‘laklarga ajratilib, o‘rta qismiga kartoshka pyuresi solinadi.
5. Qizdirilgan yog‘da pirojkilarning har tomoni qizarguncha qovurib olinadi.

Yoqimli ishtaha! Mavzuga doir:

• Iftorlik dasturxoni uchun mol jigaridan mazali taom tayyorlaymiz
• Pishloq va sarimsoqli xushta’m non retsepti
• Iftorlik dasturxoni uchun ichiga qiyma solib tayyorlanadigan lavashli rulet retsepti
• Iftorlik uchun pishloqli yegulik tayyorlaymiz