Namangan viloyati “Chortoq” tumanida Volvo yuk avtomashinasida yong‘in sodir bo‘ldi, deya xabar qilmoqda viloyat FVB.
Qayd etilishicha, 2022-yil 2-aprel kuni soat 13:04 da Chortoq tumani “Namangan” mahalla fuqarolar yig‘ini Namangan ko‘chasida joylashgan avtomobillarni ta’mirlash ustaxonasiga ta’mirlash uchun kelgan Volvo yuk avtomashinasida yong‘in sodir bo‘lgan.
Yong‘in oqibatida avtomobil to‘liq yonib zararlangan. Yong‘in vaqtida avtomobil egasi hamda ustaxona ishchisi kuyib tan jarohati olgan.
Hozirda sodir bo‘lgan yong‘in yuzasidan tergovga qadar surushtiruv ishlari olib borilmoqda.
Izoh (0)