Bugun,

  • USD 11095.31
  • RUB 173.84
  • EUR 10772.44

NATO Rossiyaning Ukainaga hujumi sabab 24-mart kuni o‘tkazilgan favqulodda sammiti yakunlari bo‘yicha bayonot berdi.

Foto: Asia-Plus

Foto: Asia-Plus

Alyansning ma’lum qilishicha, Rossiya zudlik bilan sulh e’lon qilib, Ukraina bilan muzokaralarga “jiddiy yondashayotganini” namoyish etishi kerak. “Muzokaralar vaqtida Rossiya tajovuzining davom etishi qoralanishga loyiq”, — deyiladi bayonotda.

NATO oldingidek Ukrainaga harbiy kuchini mustahkamlash orqali o‘zini himoyalash huquqini amalga oshirishiga yordam berishni va’da qilgan. Alyans, shuningdek, Ukrainaga kiberxavfsizlik va kimyoviy, biologik hamda yadro tahdiddan himoyalanishda yordam ko‘rsatishni davom etadi.

Alyans Bolgariya, Ruminiya, Vengriya va Slovakiya hududida to‘rtta xalqaro guruh tuzilishini e’lon qilgan — bu alyansning 40 ming harbiy xizmatchisi sharqiy chegaralarga ko‘chilishiga qo‘shimcha bo‘ladi.

NATOning 24-mart kungi sammitida Ukraina prezidenti Vladimir Zelenskiy ham chiqish qilgan. U alyansdan Ukrainaga samolyot va tanklar yetkazib berishni so‘ragani, biroq aniq javob olmaganini bildirgan.

Avvalroq BMT Xavfsizlik kengashi Rossiyaning Ukrainadagi gumanitar vaziyat bo‘yicha rezolyutsiyasini qabul qilmagandi.

Izoh
Asosiy yangiliklar
Dunyo
“KamAZ”da harbiylarni bosib ketgan: Qozog‘istonda yanvar voqealari ishtirokchisi 17 yilga qamaldi (video)
Mahalliy
O‘zbekistonda koronavirusga chalinganlar soni yana oshdi: so‘nggi sutkada 141 kishida kasallik qayd etildi
Dunyo
Alibaba asoschisi Jek Ma Xitoyni tark etgani ma’lum bo‘ldi