Tashqi ishlar vazirligi hay’ati 2021-yil 31-dekabr kungi yig‘ilishida O‘zbekiston prezidentining 2021-yil 30-dekabrdagi PQ-74-son qaroriga muvofiq tashqi ishlar vaziri o‘rinbosari etib tayinlangan Vladimir Norov tanishtirildi.
Vladimir Norov Tashqi ishlar vazirligi tizimida katta tajribaga ega. U turli yillarda tashqi ishlar vaziri o‘rinbosari, vazirning birinchi o‘rinbosari va vazir, O‘zbekistonning Belgiyadagi elchisi va boshqa lavozimlarda faoliyat ko‘rsatgan.
2019–2021-yillarda Shanxay hamkorlik tashkiloti bosh kotibi lavozimida ishlagan.
Tadbirda O‘zbekiston bosh vazirining o‘rinbosari – investitsiyalar va tashqi savdo vaziri Sardor Umurzoqov hamda O‘zbekiston Prezidenti administratsiyasi rahbari o‘rinbosari Alisherbek Paygamov ishtirok etdi.
Bundan avval, tashqi ishlar vazirining birinchi o‘rinbosari O‘zbekistonning Xitoydagi yangi elchisi etib tayinlangani haqida xabar berilgandi.
Izoh (0)