Ijtimoiy tarmoqlarda Toshkent tumanida “ko‘cha soliqchilari” yo‘lni to‘sib olib, janjal qilayotgani aytilgan videolavha tarqaldi. Toshkent viloyati Ichki ishlar bosh boshqarmasi holatga munosabat bildirdi.
Ma’lum qilinishicha, 24-dekabr kuni soat 01:30 atrofida 20—33 yosh atrofidagi uch nafar shaxs Chimkent yo‘li ko‘chasida joylashgan oziq-ovqat do‘koniga xarid uchun kirgan. U yerda “Sergeli” mahallasida yashovchi 25—31 yosh orasidagi uch nafar shaxs bilan o‘zaro navbat talashib, janjallashib qilgan.
Do‘kondan chiqqach, ular aholi tinchligini buzib, yo‘lning qatnov qismida bir-birlarining avtotransport vositalarini siqib to‘xtatib, janjalda davom etgan. Janjal vaqtida ikki haydovchidan boshqa shaxslar mastlik holatida bo‘lgan.
Mazkur holat yuzasidan Jinoyat kodeksining 277-moddasi (bezorilik) 3-qismi “g” bandi bilan jinoyat ishi qo‘zg‘atilib, janjalda ishtirok etgan olti nafar shaxs ushlangan. Hozirda qo‘shimcha surishtiruv ishlari olib borilmoqda.
Mavzuga doir:
- Toshkent viloyatidagi maktab sportzalida o‘quvchilar o‘rtasida ommaviy mushtlashuv sodir bo‘ldi (video)
- Toshkentda bir guruh shaxslar o‘rtasida sodir bo‘lgan janjal videosi bo‘yicha rasmiy ma’lumot berildi
- Surxondaryoda bir guruh fuqarolar o‘rtasida sodir bo‘lgan mushtlashuv videosi bo‘yicha rasmiy ma’lumot berildi