Myanmada sodir bo‘lgan ko‘chki oqibatida 100 ga yaqin odam bedarak yo‘qoldi

Myanmadagi Pxakan shaharchasidagi nefrit qazib olish karyerida sodir bo‘lgan ko‘chki oqibatida 100 ga yaqin odam bedarak yo‘qoldi, o‘n kishi halok bo‘lgan bo‘lishi mumkin. Bu haqda Irrawaddy nashriga tayanib, “RIA Novosti” xabar berdi.

“100 dan ortiq pudratchi va qimmatbaho tosh izlovchi 12-dekabr kuni Kachin shtatidagi Pxakan shaharchasidagi ko‘chkidan keyin bedarak yo‘qoldi. Kamida 10 kishi halok bo‘lgani taxmin qilinmoqda”, — deb yozadi nashr.

Halokatli ko‘chkilar Pxakan hududidagi nefrit karyerida tez-tez sodir bo‘lib turadi. Chunki mamlakat tomonidan qo‘shni mamlakat, birinchi navbatda, Xitoy bozoriga yetkazib beriladigan nefrit va jadeitning (yashil rangli mineral) asosiy qismi shu yerdan qazib olinadi.

Og‘ir mashinalar ishlaydigan karyerlar ma’muriyati alohida konchilarning ishlashiga ham ruxsat beradi. Ular karyer tuproqlariga o‘tirib olib, texnika tomonidan o‘tkazib yuborilgan toshlarni qidiradi. Ko‘chkilar vaqtida karyerda, asosan, yakka tartibdagi konchilar halok bo‘ladi.

Eslatib o‘tamiz, 2019-yilda Myanmada sodir bo‘lgan ko‘chki oqibatida 51 kishi, 2015-yilgi ko‘chkilarda esa 99 kishi halok bo‘lgandi.